Prosjekteringsleiar i Noregs største tunnelprosjekt

Har du prosjekteringsleiar-eigenskapar og lyst til å legge premissane for Noregs største tunnelprosjekt? Kan du tenke deg nye utfordringar i eit megaprosjekt der du jobbar med både veg og bane for to av dei største byggherrane i landet. Kan du tenke deg å samhandle med dyktige rådgjevarar gjennom våre 2 store rådgivningskontrakter? Då er dette jobben for deg!

Fellesprosjektet Arna – Stanghelle (FAS) er Noregs største tunnelprosjekt, og er eit samarbeidsprosjekt mellom Statens vegvesen og Bane NOR. Det skal byggas nesten 80 km tunnel som eit tunnelsystem for veg og bane. Prosjektet omfattar to nye jernbanestasjonar og nye kryssløysingar for veg i dagsonene. Byggestart for forberedande entreprisar var våren 2025, og byggestart for første tunnelentreprise er planlagt hausten 2026. Prosjektet vil verte gjennomført med felles organisering, prosjektering og bygging av Statens vegvesen og Bane NOR. 

Du finn meir informasjon om prosjektet her: Fellesprosjektet Arna – Stanghelle

Har du erfaring som prosjekteringsleiar i samferdselsprosjekt? 

Som prosjekteringsleiar er du ansvarleg for å leie, og følgje opp arbeidet med det tekniske underlaget i kontrakten ovanfor rådgivar, inkludert både interne og eksterne godkjenningsprosessar. 
Stillinga skal bidra til at det vert prosjektert gode, optimaliserte og  byggbare løysningar i høve til gjeldande regelverk og prosedyrar. Og at desse ivareteke krava som er sett til sikkerheit, kostnader, ytre miljø, framdrift og kvalitet.  Det er inngått avtale med COWI som prosjekterer alle dei førebuande entreprisane. Prosjekteringsleiar er blant anna ansvarleg for oppfølging av denne avtalen, og rapporterer til Prosjektleiar prosjektering. 

Du kjenner deg igjen i fleire av desse punkta:

• Minimum 3-årig ingeniørutdanning frå universitet eller høgskule. Lang erfaring kan kompensere for manglande formell utdanning.
• Minimum 8 års erfaring frå bygging av infrastrukturprosjekt eller tilsvarande
• Lang erfaring med samferdselsprosjekt frå byggherre-, rådgivar eller entreprenør
• Erfaring med prosjekteringsprosessar frå samferdselsprosjekt
• Erfaring med Teknisk regelverk i Bane NOR og Håndbøker i Statens vegvesen
• Du trivst med å jobbe med menneske og ser på utfordringar som moglegheiter for utvikling. 
• Du er oppteken av godt samarbeid og har gode kommunikasjonsevner 
• Du har god norsk munnleg og skriftleg formidlingsevne.
• Du er komfortabel med å jobbe på digitale plattformer

Kvifor skal du velje oss?

Som tilsett i dette prosjektet blir du ein del av både Statens vegvesen og Bane NOR. Prosjektet vil vare i 14 år og her er ei unik moglegheit til å jobbe for to av Noregs største byggherrar samtidig. Her vil du påverke samfunnsutviklinga til eit svært etterlengta samferdselsprosjekt, der vi skal prosjektere og bygge ny veg og bane i eit skredfarleg område. Som tilsett i Bane NOR vil du bli teke godt imot, og du blir ein del av eit fellesskap. Arbeidsmiljø er viktig for oss, og du må identifisere deg med våre verdiar som er open, ansvarleg lagspiller.

Vi tilbyr:

• Ein viktig posisjon i eit av Norges største samferdselsprosjekt. Ei utfordrande og ansvarsfull rolle i eit svært spennande arbeidsmiljø med engasjerte og dyktige kollegaer. 
• Ansvar og fagleg oppfølging hos to av Norges største byggherrar samtidig.
• Gode utviklingsmoglegheiter i ein organisasjon som verdsett leiarutvikling og støtte
• Personalbillett med Og Ahead, SJ Nord og VY sine tog.
• Svært gode permisjons- og forsikringsordningar og fleksibel arbeidstid, samt sommar- og vintertid
• Arbeidsstad er anleggskontor i Arna, men i Bergen sentrum fram til dette er etablert. Heimekontor etter nærmare avtale.

Vi ser fram til å lese din søknad!

Kontaktinformasjon:

Rekrutterande leiar og fungerande assisterande prosjektsjef FAS: Torbjørn Søderholm
✆ (+47) 92 02 94 52 | ✉ torbjorn.soderholm@vegvesen.no

Oppgåveleiar og prosjektleiar prosjektering FAS: Oddbjørn Gule
✆ (+47) 93 44 13 34 | ✉ oddbjg@vegvesen.no